• 1.jpg
  • 3.jpg
  • 4.jpg
  • 5.jpg
  • 6.jpg
  • 7.jpg
  • 8.jpg
  • 9.jpg
  • 10.jpg
  • 11.jpg
  • 12.jpg
  • 13.jpg
  • 14.jpg
  • 15.jpg
  • 16.jpg
  • 17.jpg
  • 18.jpg
  • 19.jpg
  • 20.jpg
  • 21.jpg
  • 22.jpg

Kross yarışı keçirilib

        İbrahimxəlil Axundlu adına Naxçıvan Muxtar Respublika Stadionunda “2012-ci il idman ilidir” devizi altında muxtar respublika ümumtəhsil məktəblərinin şagirdləri arasında yüngül atletika üzrə birincilik keçirilib. Naxçıvan Muxtar Respublikası Gənclər və İdman, Təhsil nazirlikləri ilə Naxçıvan Muxtar Respublikası Yüngül Atletika Federasiyasının birgə təşkil etdiyi birinciliyi Yüngül  Atletika Federasiyasının sədri Rövşən Məmmədov açıq elan edib. Əvvəlcə Azərbaycan Respublikasının Dövlət himni səsləndirilib. Yarışın açılış mərasimində Naxçıvan Muxtar Respublikasının təhsil naziri Piri Nağıyev çıxış edərək ölkəmizdə, o cümlədən muxtar respublikamızda idmanın inkişafından danışıb.

    Qeyd olunub ki, bu il XXX London Yay Olimpiya Oyunlarında 10, XIV Yay Paralimpiya Oyunlarında isə 12 medalın qazanılması Azərbaycanda idmanın sürətli inkişafından xəbər verir.

    Vurğulanıb ki, muxtar respublikamızda idman sahəsində həyata keçirilən tədbirlər nəticəsində bu sahənin maddi-texniki bazası gücləndirilib. İdman və bədən tərbiyəsinin inkişafı naminə həyata keçirilən tədbirlər muxtar respublikamızın idman imicini xeyli yüksəldib, regionumuz beynəlxalq yarışların keçirildiyi idman mərkəzinə çevrilib.

   Sonra idmançılar start xəttinə çıxıblar. Birincilikdə 9 komandada 150-dən çox atlet mübarizə aparıb. Yarış oğlanlar arasında 100, 200, 400, 800, 1500, qızlar arasında isə 100, 200, 400, 800, 1000 metr məsafələrə qaçış və estafet qaçışı üzrə keçirilib. Yarışda estafet qaçışı üzrə oğlanlar arasında Naxçıvan şəhərinin, qızlar arasında isə Şahbuz rayonunun idmançıları birinci yerləri tutublar. Komanda hesabına isə Şahbuz rayon komandası birinciliyin qalibi olub. Naxçıvan şəhər və Ordubad rayon komandaları isə ikinci və üçüncü yerlərə layiq görülüblər. Fəxri yerlərə sahib olan idmançılara Naxçıvan Muxtar Respublikası Yüngül Atletika Federasiyasının kuboku və qiymətli hədiyyələri, təşkilatçıların diplomları təqdim olunub.
    Qeyd edək ki, təltifetmə mərasimində bu idman növünün inkişafındakı xidmətlərinə görə iki məşqçi-müəllimə hədiyyələr verilib.

                                            
                                      

 
055849
Bu gün
Dünən
Bu həftə
Bu ay
Ümumi
215
7
247
535
55849

Tarix: 28 -03-2024