7 oktyabr 2021 - ci il tarixdə Sədərək rayon Təhsil Şöbəsi və Naxçıvan Muxtar Respublikası Atletika federasiyasının Sədərək  rayon bölməsinin birgə təşkilatçılığı ilə  oğlan və qız atletləri arasında atletika üzrə Sədərək  rayon birinciliyi keçirilib.

Keçirilən birinciliydə Sədərək rayon Təhsil Şöbəsi və Naxçıvan Muxtar Respublikası Atletika federasiyasının Sədərək  rayon bölməsinin əməkdaşları və rayonun  ümumtəhsil məktəblərinin atletika klublarının 24 idmançı şagirdləri iştirak edib.

Yarışın keçirilməsində məqsəd idmançılar arasında dostluq əlaqələrinin gücləndirilməsi, atletika idman növünün yeniyetmə və gənclər arasında təbliğ edilməsi, idmançıların yarış bacarıqlarının yüksəldilməsindən və şagirdlərin asudə vaxtlarının səmərəli təşkil etməkdən ibarət olmuşdur.

Qızlar arasında 2000 m məsafədə I yerə Aysu Abbasova, II yerə Zeynəb Babayeva və III yerə Səma Qasımova layiq görülmüşlər.

5000 m məsafədə Oğlanların mübarizəsində isə  I yerə Əli Həmzəyev, II yerə Qulu Quliyev və III yerin sahibi isə Adəm Ələkbərli olmuşdur.

Yarışın qalibləri Sədərək rayon Təhsil Şöbəsi və Naxçıvan Muxtar Respublikası Atletika federasiyasının Sədərək  rayon bölməsinin diplom və fəxri fərmanları  ilə təltif olunmuşdur.