Qız atletimiz ölkə çempionu olub
Xaçmaz şəhərində Azərbaycan Respublikası Gənclər və İdman Nazirliyi və Azərbaycan Atletika Federasiyasının birgə təşkilatçılığı ilə kross qaçışı üzrə payız çempionatı keçirilib.Ölkə çempionatında Naxçıvan Muxtar Respublikası Atletika Federasiyasının üç idmançısı iştirak edib. Ümumilikdə, 17 komandanın 200-ə yaxın atletin mübarizə apardığı çempionatda idmançılarımız uğurlu nəticələr əldə ediblər. Belə ki, 4000 metr məsafədə mübarizə aparan Aysu Abbasova qalib adını qazanıb. Bu məsafədə çıxış edən Sevinc Əliyeva isə finiş xəttini 4-cü yerdə keçib.
Sonda qaliblər mükafatlandırılıb.
Ceyhun MƏMMƏDOV
Qadın atletlər arasında Şərur rayon birinciliyi keçirilib
Oktyabrın 14-də Şərur Rayon Təhsil Şöbəsi, Şərur Rayon Gənclər və İdman İdarəsi və Atletika Federasiyası Şərur rayon bölməsinin birgə təşkilatçılığı ilə "18 oktyabr - Müstəqilliyin Bərpası Günü"-nə həsr olunmuş rayon ümumtəhsil məktəblərinin qız atletləri arasında 100, 200 və 400 metr məsafəyə qaçış üzrə rayon birinciliyi keçirilmişdir.Yarışda 11 məktəbdən 44 şagird iştirak etmişdir. Yarışın nəticələrinə əsasən 100 metr məsafəyə qaçış üzrə I yeri Gülşah Nağıyeva, II yeri Ayla Nağıyeva, III yeri isə Zəhra Süleymanova , 200 metr məsafəyə qaçış üzrə I yeri Sunay Məmmədova, II yeri Şəbnəm Qasımova, III yeri isə Sevgi Yusifova, 400 metr məsafəyə qaçış üzrə isə I yeri Jalə Hacıyeva, II yeri Yağmur Cəfərova, III yeri isə Duyğu Ələkbərova tutmuşdur. Sonda qalib idmançılar təşkilatçıların diplomları ilə mükafatlandırılmışdır.Atletika üzrə Sədərək rayon birinciliyi keçirilib
Oktyabrın 11-də Sədərək Rayon Təhsil Şöbəsi, Gənclər və İdman İdarəsi və Naxçıvan Muxtar Respublikası Atletika Federasiyasının Sədərək rayon bölməsinin birgə təşkilatçılığı ilə “18 oktyabr-Müstəqiliyin Bərpası Günü"nə həsr olunmuş oğlan və qız atletləri arasında atletika üzrə Sədərək rayon birinciliyi keçirilib.Qız və oğlanlar arasında 2000 metr məsafədə qızların mübarizəsində Aysu Abbasova I, Səkinə Əliyeva II, Zülfiyyə Süleymanova isə III yerə layiq görülüb. Oğlanların mübarizəsində isə Uğur Həmzəyev I, Heydər Məmmədov II, Səid Hüseynov isə III yerin sahibi olmuşdur.Yarışın qalibləri təşkilatçılar tərəfindən diplom və fəxri fərmanlar ilə təltif olunmuşdur.  |
 |
 |
 |
 |
047738
Bu gün
Dünən
Bu həftə
Bu ay
Ümumi
42
16
745
902
47738
Tarix: 10 -06-2023