Ölkə çempionu olmuş ağır atletlərimiz ilə görüş keçirilib
Naxçıvan Muxtar Respublikası Təhsil Nazirliyində uğur qazanan idmançılar və onların məşqçiləri ilə görüş keçirilib. Qeyd edək ki, Azərbaycan Respublikası Gənclər və İdman Nazirliyi və Azərbaycan Ağır Atletika Federasiyasının birgə təşkilatçılığı ilə Bakı şəhərində 20 və 23 yaşlı gənc oğlan və qızlar arasında ağır atletika üzrə ölkə birinciliyi keçirilib. Azərbaycanın 15 komanda və 150-dən çox idmançısının iştirak etdiyi çempionatda Naxçıvan Muxtar Respublikası Atletika Federasiyasının 3 idmançısı da mübarizə aparıb. İdmançılarımız ölkə birinciliyində uğurlu nəticə əldə edərək muxtar respublikaya 2 qızıl medalla qayıdıblar. Belə ki, 55 kiloqram çəki dərəcəsində mübarizə aparan Gülcahan Əliyeva birdən qaldırmada 52, təkanla qaldırmada isə 65 kq, (ümumilikdə 117 kiloqram), Həsən Babayev isə 89 kiloqram çəki dərəcəsində birdən qaldırmada 104, təkanla qaldırmada isə 120 kq (ümumilikdə 232 kiloqram) qaldıraraq Azərbaycan çempionu adını qazanıblar. Qeyd edək ki, idmançılarımızın yaşının az olmasına baxmayaraq gənclər arasında keçirilən Azərbaycan birinciliyində iştirak ediblər.Ağır atletlərimiz ölkə çempionu olub
Azərbaycan Respublikası Gənclər və İdman Nazirliyi və Azərbaycan Ağır Atletika Federasiyasının birgə təşkilatçılığı ilə Bakı şəhərində 20 və 23 yaşlı gənc oğlan və qızlar arasında ağır atletika üzrə ölkə birinciliyi keçirilib. Ölkə birinciliyində Naxçıvan Muxtar Respublikası Atletika Federasiyası 3 idmançı, 1 məşqçi-müəllimlə iştirak edib. İdmançılarımızdan 55 kiloqram çəki dərəcəsində mübarizə aparan Gülcahan Əliyeva birdən qaldırmada 52, təkanla qaldırmada isə 65 kiloqram nəticənin öhdəsindən gələrək, (ümumilikdə, 117 kiloqram) ölkə çempionu adına layiq görülüb.89 kiloqram çəki dərəcəsində isə Həsən Babayev birdən qaldırmada 104, təkanla qaldırmada isə 120 kiloqram qaldıraraq, (ümumilikdə, 232 kiloqram) Azərbaycan çempionu adını qazanıb.
Federasiyasının idmançıları mükafatlandırılıb.
Naxçıvan Muxtar Respublikası Atletika Federasiyasının məşqçi və idmançıları ölkə və beynəlxalq turnirlərdə qazandıqları uğura görə mükafatlandırılıblar.Keçirilən tədbirdə məşqçi və idmançıları təbrik edən Atletika Federasiyasının sədri Rəhman Məmmədov bildirib ki, bu gün muxtar respublikada uşaq, yeniyetmə və gənclərin sağlam həyat tərzinə istiqamətləndirilməsi, fiziki və mənəvi hazırlığının yüksəldilməsi, idmana marağının artırılması, asudə vaxtlarının səmərəli təşkili diqqət mərkəzində saxlanılır. Bunun üçün muxtar respublikanın şəhər və rayonlarında müasir idman infrastrukturu yaradılıb, zallar, idman obyektləri, şahmat məktəbləri tikilərək gənclərin ixtiyarına verilib. Həmçinin, “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı” qəbul olunub.
 |
 |
 |
 |
 |
057191
Bu gün
Dünən
Bu həftə
Bu ay
Ümumi
9
31
278
1288
57191
Tarix: 27 -04-2024