1 iyun 2021 - ci il tarixdə    Şərur rayon Təhsil şöbəsi,  Gənclər və İdman idarəsi və  Naxçıvan Muxtar Respublikası Atletika federasiyasının Şərur rayon bölməsinin birgə təşkilatçılığı ilə Şərur rayon ümumtəhsil məktəblərinin Atletika klubları arasında yoldaşlıq görüşü keçirilmişdir. Yarış 100, 200, 400, 800 metr məsafəyə qaçış növləri üzrə keçirilmişdir.  Yarışda ümumtəhsil məktəbinin 40 nəfər iştirak etmişdir. Yarışın keçirilməsində məqsəd idmançılar arasında dostluq əlaqələrinin gücləndirilməsi, atletika idman növünün yeniyetmə və gənclər arasında təbliğ edilməsi, idmançıların bacarıqlarının yüksəldilməsindən və atletika üzrə yığma komandanın tərkibini müəyyən etməkdən ibarət olmuşdur.

Sonda qalib idmançılar təşkilatçılar tərəfindən qalib diplomla mükafatlandırılıblar.

Ordubad Rayon Texniki Peşə və Sürücülük məktəbində  ümumtəhsil məktəblərinin şagirdləri arasında “Zərərli vərdişlərə yox deyək, həmişə sağlam olaq” devizi altında atletika üzrə rayon turniri keçirilmişdir.

Tədbirin açılış mərasimində çıxış edənlər bildirmişlər ki, birinciliyin keçirilməsində məqsəd yeniyetmələrin asudə vaxtlarının səmərəli keçirilməsini təşkil etmək və onları sağlam həyat tərzinə uyğunlaşdırmaqdan ibarətdir. Ordubad Rayon Təhsil Şöbəsi, Gənclər və İdman İdarəsi və Naxçıvan Atletika Federasiyası Ordubad Rayon Bölməsinin birgə təşkilatçılığı ilə keçirilən yarış Beynəlxalq Atletika Federasiyasının qaydalarına uyğun olaraq təşkil edilmişdir.